Ытыктабыллаах төрөппүттэрбит, күн күбэй ийэлэрбит, аҕа баһылыктарбыт! 🌿

Бүгүҥҥү үөрүүлээх күҥҥэ — Саха Өрөспүүбүлүкэтин Ийэ күнүн уонна Арассыыйа Аҕа күнүн — барыгытын ис сүрэхтэн тахсар итии-истиҥ эҕэрдэбитин тиэрдэбит!

Ийэ — алаһа дьиэбит сылаас тыына, оҕо кутун-сүрүн иитээччи, омукпут кэскилэ. Кини тапталынан, кыһамньытынан, сылаас илиитинэн дьиэ иһин сырдатар, угуттуур. Оҕолорбут ситиһиилэрэ, кинилэр дьоллоох мичээрдэрэ — эһиэхэ, күн күбэй ийэлэргэ, саамай күндү бэлэх.

Аҕа — дьиэ кэргэн дурдата-хаххата, бигэ тирэҕэ, үтүө холобура. Эһиги күүстээх санааҕытынан, эппиэтинэскитинэн, үлэһит майгыгытынан оҕолорбутугар дурда буолаҕыт, дойдуга тапталы иҥэрэҕит. Аҕа илиитин күүһэ, кини сылаас хараҕа — оҕоҕо саамай эрэллээх көмүскэл.

Эһиэхэ, күндү төрөппүттэрбитигэр, кытаанах доруобуйаны, дьиэ кэргэҥҥитигэр иллээх-эйэлээх олоҕу, уһун дьоллоох олоҕу, ситиһиилэри баҕарабыт! Оҕолоргут эһигини өрүү үөрдэ, киэн тутта сырыттыннар. Бары бииргэ буолуҥ — дьиэ кэргэн диэн саамай күндү баайбыт, омукпут тирэҕэ.

Ийэҕитин кууһан, аҕаҕытын махтанан сыллаан ылыҥ — дьиэ кэргэн дьоло онно сытар! ❤️

#ДеньМатериЯкутия #ДеньОтца #КэскилЧурапча
#Семья #СахаЯкутия #ДьиэКэргэн