"Үрүҥ торуоска" аахсыйа

Алтынньы 15 күнүгэр «Үрүҥ торуоска» диэн Арассыыйа үрдүнэн ыытыллар аахсыйа чэрчитинэн 4 "а" кылаас үөрэнээччилэригэр аналлаах тэрээһин буолан ааста.

Аахсыйа сүрүн сыала — хараҕынан мөлтөхтүк көрөр эбэтэр төрүт көрбөт дьон кыһалҕаларыгар болҕомтону ууруу, кинилэри өйдөөһүн уонна убаастааһын.
Оҕолор бэркэ сэргээн, көрбөт дьон хайдах ааҕалларын-суруйалларын билистилэр:
- Мөлтөхтүк көрөр дьон улахан шрифттаах кинигэлэри тутталларын;
- Оттон көрбөт дьон «саҥарар кинигэлэри» (аудиокинигэлэри) истэллэрин;
- Уонна, биллэн турар, Луи Брайль айбыт тордох ойуулаах (брайль) алпаабытынан туһаналларын.

Ордук болҕомтону Саха сирин биир киэн туттар киһитигэр — Иван Николаевич Егоров-Иван Горнайга — уурдубут. Кини Брайль систиэмэтинэн сахалыы алпаабыт айбыт бастакы тифлопедагогпыт буоларын, төрөөбүт тылбытынан көрбөт дьон ааҕар-суруйар кыахтаммыттарын үөрэттибит. Оҕолор Иван Горнай олоҕун, «Мин көрөбүн сүрэхпинэн» диэн хоһооннорун хомуурунньугун туһунан иһиттилэр.

Сиһилии бу сигэнэн ааҕыҥ
⬇️⬇️⬇️
https://vk.ru/wall-217166169_1898