Ньурбаҕа оройуон таһымнаах II-с "Калейдоскоп" медиафестиваль үрдүк таһымнаахтык ыытылынна!

Алтынньы 17 күнүгэр, элбэх хайысхалаах гимназия5а оройуон таһымнаах "Калейдоскоп" диэн иккис төгүлүн ыытыллар медиафестиваль үрдүк таһымнаахтык буолан ааста. Бу тэрээһин ыччат уонна оҕо медиа эйгэтигэр талааннарын арыйалларыгар, саҥа билиини ылалларыгар уонна бэйэлэрин дьоҕурдарын көрдөрөллөрүгэр ананан тэриллэр. Медиафестиваль арыллыытыгар кэлэр сайын Саха сирин норуоттарын IX Спортивнай оонньуутун бэлиэтэ мохсо5ол ыалдьыттаата.
Уопсайа 13 оскуолаттан 13 хамаанда 5 хомуур хамаанда5а арахсан күн маңнайгы чааһыгар секцияларынан араас хайысхалаах үөрүйэхтэри аастылар. Үөрүйэхтэри ыыттылар ыңырыылаах, медиа5а сыһыаннаах, бу эйгэ5э буспут-хаппыт, хатарыллыбыт оройуон тутаах, анал идэлээх үлэһиттэрэ: Тимофеев Спиридон Валентинович, IX-с спортивнай оонньуулар дирекциятын сүрүн специалиһа, Кириллина Анна Семеновна, остуол тенниһигэр оройуон кылаабынай тренерэ, Петров Марк Александрович, волейболга оройуон сүрүн тренерэ, Кириллин Рустам Павлович, оройуон биллэр видео уонна хаартыска эйгэтин үлэһитэ, Егоров Александр Валентинович, “Бүлүү долгуннара” медиацентр салайааччыта, Саввинов Роман Семенович, Ньурбатаа5ы НВК “Саха” филиалын шеф-редактора, Антонова Күннэй Николаевна, телевидение режиссера, Матвеев Геннадий Владимирович, Ньурбатаа5ы НВК “Саха” филиалын оператора, Христофорова Альбина Николаевна, гимназия психолога.
"Калейдоскоп" диэн аата да этэрин курдук, араас өҥнөөх, эгэлгэ хайысхалаах медиа-бырайыактар, саҥа са5ахтар, сонун тардыһыылар, медиалар үлэлэриттэн уопут атастаһыыта мустубут дьон болҕомтотун тартылар. Фестивальга оройуон араас оскуолаларыттан элбэх талааннаах оҕолор, учууталлар, медиаҕа кэрэхсэбиллээх дьон мустан, бэйэлэрин айымньыларын, лайфхактарын, үлэлэрин көрдөрдүлэр.
Советниктары уонна медиа5а үлэлиир сүрүн специалистары кытар оройуон үөрэ5ириитин начальнига Ушканов Федор Федорович көрсөн кэпсэттэ, инники үлэ былаанын, хайысхатын торумнаата.
Бу медиафестиваль оройуон медиа эйгэтин сайыннарыыга, оҕолору информационнай технологияларга сыһыарыыга уонна кинилэр айар дьоҕурдарын арыйыыга улахан суолталаах түгэнинэн буолла. Кыттыылаахтар саҥа билиини ыллалларыгар, уопут үллэстэллэригэр уонна бэйэ-бэйэлэрин кытары ситимнээх буолалларыгар маннык тэрээһиннэр сүрдээх улахан суолтаны ылаллар. Бу күн оскуола медиалара устубут тэттик роликтарыгар күрэх ыытылынна, уопсайа 13 үлэ сыаналанна. “Биир күн төлөппүөнэ суох” диэн тиэмэлээх олус интэриэһинэй роликтары көрөн дьүүллүүр сүбэ Маалыкай орто оскуолатын чорботон, муңутуур кыайыылаа5ынан анаата🤩🥳👏🏼👏🏼👏🏼маны таһынан, көрөөччү биһирэбилин Чуукаар орто оскуолатын медиацентра ылла🤩👏🏼👏🏼👏🏼

"Калейдоскоп" медиафестиваль инникитин өссө кэҥээн, элбэх ыччаты хабан, саҥа талааннары арыйа туруо диэн эрэнэбит! Фестивалы үрдүк таһымнаахтык тэрийбит уонна кыттыбыт дьоҥҥо, о5олорго барытыгар махталбытын тиэрдэбит!