Алтынньы 14 күнүгэр Оҥхой нэһилиэгин С.П. Федотов аатынан сүрүн оскуолатыгар Саха Өрөспүүбүлүкэтин былааҕын күнүгэр аналлаах үөрүүлээх патриотическай тыыннаах тэрээһиннэр буоллулар.
Ол курдук 1 - 9 кылаас үөрэнээччилэригэр "Цвета моей Республики" биир кэлим уруоктар ыытылыннылар, үөрэнээччилэр бары "Өрөспүүбүлүкэм былааҕа" акцияҕа былааҕы уруһуйдаан оҥорон кытыннылар.
Үөрүүлээх линейкаҕа Саха Өрөспүүбүлүкэтин былааҕын оскуолабыт президенэ Антон Иванов, бастыҥ үөрэнээччилэр Айнар Ильин, Денис Илларионов киллэрдилэр. Саха Өрөспүүбүлүкэтин судаарыстыбаннай гимнин иһиттилэр, ыллаатылар Саха Өрөспүүбүлүкэтин былааҕын устуоруйатын, дириэктэр сүбэһитэ Екатерина Лукинична сырдатта уонна викторина ыытта. Өрөспүүбүлүкэбит былааҕын күнүгэр аналлаах тэрээһиннэр үөрэнээччилэргэ олус интэриэһинэйдик туһалаахтык ааста. Төрөөбүт дойдуларын устуоруйатын дириҥник билэллэригэр көмөлөстө.