Бөгөн Беренсе Этҡол урта мәктәбенең яңы бинаһына нигеҙ һалыныуына 50 йыл тулыу айҡанлы "Һағыныулы осрашыу миҙгелдәре" исемле ҙур сара үтте.
Әйтергә кәрәк, мәктәп йәш быуынға белем һәм тәрбиә биреү өлкәһендә ҙур уңыштарға ирешеп, уны тамамлағандар араһында район һәм республика кимәлендә ҙур танылыу яулаған шәхестәр күп һәм был оло ғорурлыҡ тойғоһо уята.
Байрамда ҡатнашыусылар тәүҙә мәктәп буйлап экскурсия яһаны, класташтар, ауылдаштар осрашты, матур хәтирәләргә бирелде.
Коллектив сараға килеүсе һәр кемде милли кейемдәрҙә икмәк-тоҙ, ҡымыҙ һәм буҙа менән ҡаршы алды.