ВӰД АВА

Финн-угор мифологийыште вӱд пеш кугу значенийым модеш. Тудо мландӱмбалне чылалан илышым пуа, но тудым сыраташ гын, калыклан кугу ойгым конда. Шуко тӱрлӧ калыкын вӱд дене кылдалтше тӱрлӧ Юмышт уло. Марий-влакат ожнысек вӱдым жапленыт. Мемнан тыгай тӱҥ Юмына - Вӱд Ава. Тудын вийже чыла вӱдлан шарла: кажне тавылан, памашлан, ерлан, эҥерлан... Вӱдым аралыме деч посна Вӱд Ава мландылан лектышым пуа, азам ыштыме годым сакла. Сӱан да тойымо йӱлаштат яндар памаш вӱд ончыл рольым модеш. Самырык рвезе ӱдырым шолышташ кайымыж годым лач Вӱд Ава деч полышым йодын, колаш вочшо еҥымат Азырен деч Вӱд Ава гына утарен коден кертын. Мутлан, таче мартеат надырлан пуымо вольыкым яндар вӱд дене шыжыктат. «Вӱд Ава ончылно Кугу Шордат сукен шинчеш», - ойлен тоштыеҥ. Еҥ-влакын шонымышт почеш, Вӱд Ава - антропоморфный наста, тудо самырык мотор ӱдырамаш семын ылыжын. Акрет годым илыш осал лийын, сандене Юмо-влак нерген легенда-влакат осал лийыныт. Кызыт жап вашталтын, сандене эрвелмарий-влакын тошто легендыштым, изиш вашталтен, йомак семын возена.  
Умбакыже тыгай ссылке почеш лудса👇👇👇
https://cholman.info/articles/kalyk-y-la/2026-10-28/v-d-ava-4857723