СВО-Ш ГУМАНИТАРНЫЙ ПОЛЫШЫМ НАМИЕНЫТ

Специальный военный операцийыште порысым шуктышо сарзе-влаклан Башкортостан гыч 175-ше гуманитарный конвойым намиеныт. Тидын нерген кундемын Чрезвычайный ситуаций шотышто кугыжаныш комитетшым вуйлатыше Кирилл Первов увертарен. Гуманитарный полышым кугыжаныш орган, муниципалитет, тыгак мер организаций, волонтер да тиде сомылыш шке кумылын ушнышо еҥ-влак чумыреныт.   
Л. ШАВАЛИЕВА.