Зярдо чувтось корты пингень кельсэ: Степан Эрьзянь невтемазо Китайсэ.
✨✨✨
Китаень Циндао ошсо «Жемчужина ШОС-Китай» экспоцентрань «Россия» павильонсо панжовсь невтема, кона кармась культуратнень ютксо алкуксонь сэдекс — Степан Дмитриевич Эрьзянь (Нефедовонь) ине скульпторонть важодевксэнзэ экспозициясь. Проектэсь алтазь мастерэнть 150 иетненень ды васенцеде ютавтови Азиясо.
❗❗❗
Степан Эрьзя-аволь ансяк скульптор, мокшэрзянь масторонь вайгель, мастер, кона маштсь марямо материалонть. Сон ёроковсто важодсь калгодо чувтонь породатнень марто — кебрачо ды альгарробо, — ды формань эрьва мендявкссонть сонзэ эрясь ёжомарямозо.

🖼🖼️🖼️

Экспозициясонть 40 ламо произведеният.
Сынст ютксо - «Креститель» статуянь копиятне ды Орасио Кирогань скульптурань портретэсь: сынь ледстнить Эрьзянь латиноамериканской эрямонь шкадонть, зярдо сон эрясь ды важодсь Аргентинасо.
🧧🧧🧧
Китайсэ выставкань инжетне башка мель явсть Мордовиясто неень шкань мастертнэнень, конат састь Китаев -невтемс койтнень-кирдатнень поладоманть.
Площадкасонть ютавтовсть мастер-класст, косо инжетне неизь, кода чачи искусствась:
🎨🎨🎨
Пётр Рябов, чувтосто керсицясь, Россиянь артыцянь вейсэндявксос совицясь, ваныцятнень сельме икеле тейсь чувтосто лишминеть.
♦️♦️♦️
Вера Щукина невтсь човалятнень марто важодемань ёнкстнэнь: эрьва кодамо тюсонь эрьгетне сонзэ кедензэ ало теевсть раськень мазылгавтомакс.
🪁🪁🪁
Китаень ваныцятне неизь, кода вейке проектсэнть вейсэндявить масторлангонь уровнянь скульптурась ды раськень ремеслась, кода ютазесь ды неень шкась маштыть кортамо вейке кельсэ — мазычинь ды материалонтень мелень явомань кельсэ.
🍁🍁🍁
Вера Ивановна Щукина ульнесь "Вайгелень" студиясо ды ёвтнесь, кода Эрьзянь важодематнень ды эрзятнень вастызь Китайсэ!
😍😍😍
Кунсолодо кортамонок 100.6 FM частотасонть. 📻🎧