#планерка
Улуус дьаһалтатын нэдиэлэтээҕи былаанныыр сүбэ-мунньаҕа «Автодор» РИХ тэрилтэ исписэлииһэ Гаврил Валерьевич Семенов иһитиннэриититтэн саҕаланна.
«Бүлүү» федеральнай суола 609 км 659 км диэри уһуннаах кэрчигэ бу тэрилтэ көрүүтүгэр киирэн турар. Бу сайын Чыбыыда - Харбалаах, Үөһээ Бүлүү - Нам икки ардыларыгар уонна Ороһу, Нам нэһилиэктэригэр ямочнай өрөмүөн үлэтэ ыытылынна. Суол туругуттан көрөн грейдердээһин үлэтэ барар.
Аны кыһыҥҥыга, халтараан кэмҥэ бэлэмнэнэн кумах тиэйиитэ бара турар.
Өрүс мууһа турдаҕына, сэтинньи 1 күнүттэн эбэни туоруур суолу бэлэмниир үлэ барыахтаах.
@uoheebuluu