Эх, балығы ла балығы!

Әйҙәгеҙ әле, аяҙ көндә тәбиғәткә
экрандар аша булһа ла тағы бер сығып әйләнәйек!
Һалҡын һәм саф һауала
балыҡсы менән балыҡ ҡурайыҡ.
Хатта видеояҙманан танауға утта әҙерләнгән ризыҡ еҫе килеп инде кеүек.

Башта балыҡтарҙы таҙартабыҙ: ҡабырсаҡтарын ҡырып төшөрәбеҙ, эсен тартып алып, һалҡын шишмә һыуы менән яҡшылап йыуабыҙ. Һуңынан һәр балыҡтың арҡаһына ҡыя ярсыҡтар яһайбыҙ: тоҙ менән тәмләткестәр һөртөп, бер аҙ тороп алырға ҡалдырабыҙ, улар яҡшы һеңәсәк.

Усаҡҡа ауыр суйын табаны ултыртып, төбөнә мул ғына үҫемлек майы һалабыҙ. Май ҡыҙып, еңелсә төтөн сыға башлағас, балыҡтарҙы аҡ онға манып алабыҙ, шыптыр эсенә һалып, әүәләгәндә тағы ла шәберәк килеп сыға.

Шыжлап торған табаға теҙәбеҙ. Шул уҡ мәлдә тирә-яҡҡа тәмле еҫ тарала.

Балыҡтарҙың аҫҡы яғы алтынһыу-ҡыҙыл төҫкә ингәс, уларҙы икенсе яғына ауҙарабыҙ. Ҡытырлаҡ ҡабыҡ барлыҡҡа килгәнсе ҡыҙҙырабыҙ.

Табанан яңы ғына төшкән эҫе, тышы ҡытырлаҡ, ә эсе йомшаҡ һәм һутлы балыҡты өҫтәлгә ултыртабыҙ. Яңы өҙөлгән күк һуған, укроп һәм үҙ ҡулдарың менән бешергән икмәк менән яңы тотолған балыҡтың тәме тағы ла камилыраҡ була.

Тәбиғәт бүләк иткән был ниғмәттән дә тәмлерәк нәмә юҡтыр.