Тауыҡ ите һәм йәшелсә менән

ҡыҙҙырылған дөгө

Дөгө — 1 стакан
Һыу — 2 стакан
Тауыҡ ите (филеһы) — 1-2
Һуған — 1
Һарымһаҡ — 2 бүлкәт
Кишер — 1
Болгар боросо — 1
Йәшел һуған
Кунжут орлоҡтары
Үҫемлек майы — 2 ҡалаҡ
Аҡ май — 2 ҡалаҡ
Соя соусы — 3 ҡалаҡ

Дөгөнө 1-гә 2 күләмендә һыу ҡойоп, уртаса утҡа ҡуйып бешерергә. Дөгө бөтә һыуҙы һеңдергәс, әҙер була.

Йәшелсәләрҙе шаҡмаҡлап турарға. Тәүҙә һуғанды, унан татлы боросто, кишерҙе һәм һарымһаҡты. Ҡара, мин йәшелсәләрҙе нисек ваҡ итеп турарға икәнен видеола күрһәтәм.

Хәҙер тауыҡтың аҡ итен йыуырға. Һыуын ҡағыҙ салфетка менән киптерергә һәм ваҡ киҫәктәргә турарға.

Табаны май менән яҡшы итеп ҡыҙҙырырға һәм бөтә йәшелсәләрҙе яйлап ҡына ҡыҙҙырырға. Тәүҙә һарымһаҡты, унан һуң һуғанды, унан кишер, татлы боросто өҫтәргә һәм бер нәмә лә көймәһен өсөн даими болғатырға.

Әҙер йәшелсәләрҙе уттан алып, тауыҡтың аҡ итен ҡыҙҙырырға. Тауыҡтың аҡ ите тулыһынса бешкәс, йәшелсәләрҙе кире табаға һалырға, болғатырға һәм дөгө өҫтәргә.

Дөгөнө йәшелсәләр һәм тауыҡ менән яҡынса 2 минут ҡыҙҙырырға. Дөгө әҙер, уны табынға бирергә мөмкин. Өҫтөнә йәшел һуған турап, бер аҙ кунжут орлоҡтары өҫтәргә була.

Аштарығыҙ тәмле булһын!