💥Кады ажылдажылганы планнаан

📢Тываның Баштыңы Владислав Ховалыг «Межегейуголь» компанияның удуртукчузу Александр Лукиных база «Промресурс» бөлүк компанияны сайзырадыр талазы-биле директору Владимир Роккель-биле ужурашкан. Удуртукчулар 2027-2030 чылдарда кады ажылдажылганың планын сайгарып чугаалашкан.
Ук бүдүрүлге хөмүр-даш тывыжының хемчээлин улгаттырар база улуг технологтуг чаартылгаларны чорудар сорулганы салып турар. Ол чүүл республиканың чурттакчыларынга ажылчын олуттарны немей тургузарын болдурар.
«Үр хуусаалыг болгаш үре-түңнелдиг кады ажылдажылганы чорударынга шупту харылзааларны бирден бирээ чокка өөренип көөр бодалдыг мен» — деп, Владислав Ховалыг демдеглээн.
Ужуражылганың бир темазы бизнестиң социал харыысалгазы болган. Компанияның удуртулгазы өскүс ажы-төлдү доктаамал деткип турар организациялар болгаш уруглар бажыңнарын деткииринге беленин илереткен.

А. СОЯН белеткээн.
Чурукту Тыва Чазактың парлалга албанындан алган.

«Шын» №42 2026 чылдың октябрь 29
"Шын" солуннуң МАХ-каналынга каттыжыңар: max.ru/channel_shyn