"Атайыма" йырының һүҙҙәре

Донъяларҙа йәшәү еңел түгел,
Ышаныслы терәк булмаһа.
Һине уттан-һыуҙан ҡотҡарырлыҡ
Ҡурҡыу белмәҫ йөрәк булмаһа..

🎶Ҡушымта:
Яндарымда һин бар, атай,
Ауыр саҡта - һин бар йәнәшә!
Изге күңелең, яҡты ҡояш һымаҡ,
Игелектәр генә өләшә!..

Ҡайһы саҡта ҡорос холоҡло һин,
Ихтыярың тигеҙ ҡоросҡа.
Ғүмерең буйы торорһоң шул һин,
Атай тигән изге бурысҡа.

🎶Ҡушымта. Шул уҡ.

Кәрәк саҡта яҡын кәңәшсе һин,
Әмәл тапмаҫ ҡыйын мәлдәрҙә.
Булғандыр шул үҙеңдең дә
Ҡалған саҡта ҡыйын хәлдәрҙә.

🎶Ҡушымта. Шул уҡ.