Бүген райондагы төзелеш объектларында булдым. Балтач сәнгать мәктәбе…

Бүген райондагы төзелеш объектларында булдым. Балтач сәнгать мәктәбе, программа нигезендә салынучы 10 йортта һәм Балтач, Норма мәктәпләрендәге төзелеш, төзекләндерү эшләре белән таныштык. Яңа объектларда яңалыклар көннән-көн арта. Юлларны тәртипләү, матурлау, коммуникация эшләре башкарыла.

Объектларда эш темпы яхшы, төзүчеләргә тел-теш тидерерлек түгел. Шулай да көзге матур көннәрнең кадерен белеп
төзелеш, төзекләндерү эшләрен үз вакытында тәмамларга кирәк.

Шушма яр буе паркын да карап чыктык. Паркыбыз тагын да ямьлерәк булсын өчен, анда да көзге төзекләндерү чаралары күрелә.