🎼Бүген моң иясе Гафият Нигъмәтуллинның туган көне

 
Уразайда гомер кичергән иң талантлы якташыбыз иде Гафият абый
 
🖍️Исән булса, аңа бүген 74 яшь тулган булыр иде.
 
🖍️Заманында Салагыш мәдәният йорты мөдире, Пушкин исемендәге колхозның комсомол оешмасы секретаре, Салагыш авыл Советы рәисе, күп еллар нефтьче булып эшләгән.
 
Кайда гына эшләсә дә, гармун аның юлдашы булган.
 
Искиткеч матур уйный иде Гафият абый гармунда. Районның “Көмеш телле гармун” халык ансамбленең беренче баянчылары рәтендә ул да бар иде.
 
Россия дәрәҗәсендәге бәйгеләрдә лауреат булган. Районда Таҗи Гыйззәт исемендәге премия лауреаты ул.
 
❗️Үзешчән композитор 60ка якын шигырьгә көй язган
 
Сүз авторларының күбесе – Әгерҗе районы каләм осталары
 
🖍️Гафият абыйның җырлары үлемсез. Бер генә бәйрәм дә аның җырларыннан башка узмый
 
🎼Әлеге видеода ул үзе көй иҗат иткән “Уразай каеннары” җырын башкара
 
Урыны оҗмахта булсын талантлы якташыбызның!