Салом, муҳтарам падару модарон, бобою бибиҳо!

Ман табиби кӯдакакон Қодиров Наврас Набижонович ҳастам. Бо дархосту хоҳиши зиёди волидон ин каналро кушодам, то ба шумо кӯмак кунам ва малакаи тиббии шуморо барои расонидани ёрии аввалия ба кӯдакон баланд бардорам.
То наздиктар бо Шумо бошам. Дар барномаҳо мо на танҳо дар бораи бемориҳо сухан меронем, балки тарзи ҳаёти солимро фаъолона таблиғ мекунам.
Ин қадамҳои аввалини ман дар ин соҳа мебошанд, бинобар ин, волидони азиз, бо ман бошед. Саволу пешниҳодҳои худро дар шарҳҳо нависед — якҷоя рушд мекунем ва меомӯзем.

Ҳадафи асосии ман— якҷоя нигоҳ доштани саломатии фарзандонамон аст.
Бовари комил дорам: табиби кӯдакакон — узви ҳар як оила аст.
Вазифаи ман ҳамчун пизишки кӯдак на танҳо табобат кардан, балки омӯзонидани шумост, ки чӣ гуна саломатии кӯдакро нигоҳ доред, иммунитети ӯро мустаҳкам кунед ва чӣ кор кунем, то фарзандонамон камтар бемор шаванд.