Диван чистартабыз

Йомшак җиһазларны чистарта башлаганчы, иң элек аларның тукымасын белергә кирәк. Чөнки һәркайсының үз таләпләре.

Ясалма күн химия һәм каты щетканы яратмый. Аны сабынлы суга манылган юеш чүпрәк белән сөртеп алу да җитә. Тапларны бер үк күләмдәге нашатырь спирты һәм глицерин катнашмасы белән бетерергә була.

Күн, велюрны юеш чүпрәк белән сөртәләр, тапларын спиртка манылган салфетка белән ышкыйлар.

Замш һәм нубукны юешләргә ярамый. Аларны коры ысул, әйтик, махсус күбек белән чистарталар.

Флок спирт тидергәнне яратмый.

Винил тукыманы чистарту өчен теләсә нинди юу чарасын кулланырга була.

Гобелен тукымага су тидерергә ярамый. Аны коры ысул белән генә чистарталар.

Ак җиһазларны чистарту өчен төсле губка кулланмагыз. Химик юу чаралары тәэсирендә аларның төсе уңып, җиһазны пычратырга мөмкин.