Театрдыҥ куулгазын телекейин ачып 🎭

Театрдыҥ ижиле таныштырган ээчий туштажу Горно-Алтайскта Албатылар Најылыгыныҥ туразында ӱлӱрген айдыҥ башталарында ӧткӧн. Ол «Туулардагы режиссура» деп адалган ла куучын-эрмек Алтай Республиканыҥ П. В. Кучияктыҥ адыла адалган эл театрыныҥ «Айачы» деген ойын-кӧргӱзӱзине учурлалган.
Республиканыҥ театрлык ишчилериниҥ биригӱзиниҥ ле АР-дыҥ культура министерствозыныҥ јӧмӧлтӧзиле јол алынган, кӧрӧӧчилерди тергеебистиҥ сок јаҥыс театрыныҥ тӱӱкизиле, ондо иштеген улусла, ойын-кӧргӱзӱлерди канайда тургузып турганыла таныштырган беш туштажудаҥ турган тизӱниҥ бу экинчизи болгонын Эл театрдыҥ актрисазы, режиссер Татьяна Синькова айткан. (...)
«Айачыны» театрда орныктыра, јаҥыдаҥ тургузар керек деп санандыс. Бу шӱӱлтени кӧп улус јӧмӧп јат. Тӧрӧлин, бала-барказын корулап, олордыҥ јӱрӱмин улалтарга јӱрген албатыныҥ нерези кандый да ӧйдӧ керектӱ».
Бу шӱӱлтени туштажуныҥ ончо туружаачылары јӧмӧгӧн. (...)

Светлана Кыдыева ✍

Солун туштажу керегинде элбеде газеттиҥ кечеги номеринеҥ кычырыгар.