Шабалин аймакла јол-јоруктаҥ 👇

Сӱт табыштырар јер јок ☝
Шабалин аймактыҥ Кумалыр јуртынаҥ ыраак јокто саар уйлар туткан ферма иштейт. Бу ээлемди 2006 јылда Василий Николаевич Идубалин тӧзӧгӧн.
Билениҥ јааны 2018 јылда јада каларда, ишти оныҥ эш-нӧкӧри Раиса Егоровна башкарган. Кийнинеҥ балдары энезин амыразын деп, бу јӱкти бойына алынгандар. Эмди, документ-чаазындарла, ээлемниҥ јааны кызы Лилия Васильевна Идубалина болот. Алексей аказы ла Артем карындажы ого јӧмӧжӧт. Лилия Васильевнаныҥ эш-нӧкӧри база кожо иштейт.
Идубалиндердиҥ ээлеми тӧзӧлгӧнинеҥ ала саар уйлар туткан. Сӱтти Чаргыныҥ сарју-сыр эдер заводына табыштыратан. Бу јирме јылдыҥ туркунына ээлем ичкери ӧзӱм алынган да, уур-кӱч те ӧйлӧр болгон. Је Идубалиндердиҥ билези бир де јана баспаган, бастыра уур-кӱчтерди кожо јеҥип чыккан. Олор јербойыныҥ улузына иш берген, ишјал тӧлӧгӧн. (...)

Кырчын Яшев ✍

Элбеде газеттиҥ калганчы номеринеҥ кычырыгар.