ЭРЕ-ЧУЙЫМ

Арчын јытту Эре-Чуй,
Ажууҥ болзом кайдарыҥ.
Айландыра маҥтайтан
Аҥыҥ болзом кайдарыҥ.

Кугарып јаткан Эре-Чуй,
Кутугыҥ болзом кайдарым.
Кыйын келзе, «кыҥк» этпес,
Кырларыҥ болзом кайдарым.

Эрке чечектӱ Эре-Чуй,
Эрмегиҥ болзом кайдарыҥ.
Јылдар ээчий сун калган
Јолдорыҥ болзом кайдарым.

Кӱн салымду Эре-Чуй,
Кујурыҥ болзом кайдарым.
Кӱӱнзегеним кӧп эмтир –
Кӱскӱҥ болзом кайдарым.

Мария Кудачинова

Евгений Бутушевтиҥ 📷