"-Мин яратам сине!" - дисең,

Үзең ышанасыңмы?
Тормыш җилләренә каршы 
Терәк булаласыңмы?

"-Бердәнберем минем!" - дисең,
Фикерең үзгәрмәсме?
Бүген мин дип янган йөрәк
Башканы теләмәсме?

"- Синең өчен, дисең, әзер
Мин дөньяда барына!"
Ләкин йөзә алырсыңмы,
Каршы чыксаң агымга?

Минем холык җиңел түгел,
Мин ирекле кош сыман.
Ничек генә яратсам да,
Беркемгә дә буйсынмам.

Минем сөю тыныч түгел,
Диңгез дулкыны төсле.
Вулкан сыман ташып чыга,
Мин шундый кайнар хисле.

"-Мин яратам сине!" - дисең,
Сүзеңдә калырсыңмы?
Минем мәхәббәт ташкындай,
Күтәрә алырсыңмы?