«Үрүҥ торуоска»

«Үрүҥ торуоска»
Мэҥэ Хаҥалас хамаандата – «Илин эҥэр куубагын» кыайыылааҕа

🏆 Аллараа Бэстээххэ Аан дойдутааҕы «Үрүҥ торуоска» күнүн чэрчитинэн ый устата ыытыллар аахсыйа иитинэн алтынньы 30 күнүгэр «Илин эҥэр куубага» көрбөттөр уопсастыбаларын икки ардыларыгар күрэх ыытылынна.

👨‍🦯 «Парус» успуорт уораҕайыгар Таатта, Амма, Чурапчы, Мэҥэ Хаҥалас көрбөттөр уопсастыбаларын хамаандаларын улуус адаптивнай успуордун тириэньэрэ Алексей Стручков салайан киллэрдэ.

🏐 Спортсменнары эҕэрдэ тылларын улуус дьокутааттарын сэбиэтин бэрэссэдээтэлэ Иннокентий Андросов, улуустааҕы физическэй култуура уонна успуорт управлениетын начаалынньыга Алексей Попов, көрбөттөр улуустааҕы уопсастыбаларын бэрэссэдээтэллэрэ Иван Семенов (Мэҥэ Хаҥалас), Светлана Дорофеева (Таатта), Александра Устинова (Амма), Василий Пономарев (Чурапчы) көрүстүлэр. Күрэх түһүмэхтэрин: «Калах», «Катамино», «Квиксо» остуол оонньууларын уонна волейбол хаамыытын уонна быраабылатын инбэлииттэр улуустааҕы уопсастыбаларын бэрэссэдээтэлэ, сүрүннүүр судьуйа Тамара Пермякова сиһилии быһаарда.

🏅 Уопсай түмүккэ иккис миэстэни Амма хамаандата, үһүс миэстэни Таатта хамаандата ыллылар. Кыайыыны уонна көһө сылдьар куубагы Мэҥэ Хаҥалас хамаандата ситистэ.

🗣 Тамара Пермякова:

– «Илин эҥэр куубага» көрбөттөр уопсастыбаларын күрэҕэр 4 хамаанданан уопсайа 32 спортсмен кэллэ. Сыллата ыытыллар күрэххэ былырыын сүрүн уларыйыынан волейбол көрүҥэ киирбитэ, урут гонбол оонньотор этибит. Биһиги, уопсастыбалар, үлэбит биир сүрүн хайысхата – дьоммутугар успуорт, култуура тэрээһиннэрин тэрийиитэ буолар. Маннык тэрээһиннэр өрөспүүбүлүкэ таһымнаах күрэхтэргэ бэлэмнэнии бэрээдэгинэн ыытыллаллар, – диэтэ.

Сиһилии уонна элбэх хаартысканы БУ СИГЭНЭН киирэн билсиҥ ⬅️

@gazetaerkeii
@ulusmedia