3-с Мэлдьэхситтэн күһүҥҥү сонуннар: олохтоох көҕүлээһин, субуотунньуктар

🗣 ‒ 2026 сыллааҕы олохтоох нэһилиэнньэни көҕүлээһин бырагырааманан (ППМИ), нэһилиэк дьоно-сэргэтэ ыйытык түмүгүнэн, оҕо оонньуур былаһааккатын тутарга бары биир санаанан быһаарыныыны ылыммыттара. Куонкурус түмүгүнэн кыайыылаах тахсан, субуотунньугунан туруордубут. Куонкурус түмүгүнэн көрүллүбут харчы 2000000 солкуобай, ону таһынан олохтоох бүддьүөттэн 250 тыһыынча солк. көрүллүбүтэ, манна нэһилиэк дьоно-сэргэтэ, биир дойдулаахтарбыт утары баран 250 тыһыынчаны кыттыспыттара. Былаһаакканы кэлээтин кытта нэһилиэк эр дьоно эһэлэрбит, аҕаларбыт, убайдарбыт субуотунньуктаан таҥан, үйэлээх буоллун диэн олохтоохтук сиэмэннээн туруордубут. Онон үүнэн эрэр эдэр кэнчээри оҕолорбут оонньуулларыгар, сынньаналларыгар үтүө бэлэҕи оҥордубут. Өрөспүүбүлүкэбитигэр маннык анал бырагыраамалар бааллара нэһилиэктэргэ олус туһалаах диэн бэлиэтиибин.

Итини таһынан быйыл күһүн ыытыллыбыт үлэлэртэн билиһиннэрдэххэ, өбүгэлэрбит, дьоммут-сэргэбит харалла сытар сирдэрин күрүөтүн маһын саас субуотунньугунан кэрдэн киллэрбиппит. Пилорамаҕа хайыттаран быйыл күһүн эмиэ субуотунньугунан күрүөтүн оҥорон, уларытан саҕалаатыбыт. Дьоммут көмүллэн сытар сирдэрин ытыгылаан көрүү-харайыы биһиги төрүт иэспит буоларын умнуо суохтаахпыт.

Дьоммут саахала суох сылдьалларын туһугар суолу көннөрүүгэ үлэлэстибит, Төхтүрбүт сыырын грейдердээтибит,  уулуссалар дьаамаларын толорон көннөрүү үлэтин ыыттыбыт. Аллараа баар муосталарбыт турбаларын  өрө көтөҕөн көннөртөөтүбүт уо.д.а.  элбэх үлэ ыытылынна. Түгэнинэн туһанан өссө төгүл субуотунньукка кыттыбыт нэһилиэгим олохтоохторугар барҕа махталбын тапталлаах улууспут хаһыатын нөҥүө тиэрдэбин,
куруук маннык түмсүүлээх буолуоҕуҥ диэн ыҥырабын,