Башҡортостанда “Беренселәр Хәрәкәте башланғыс бүлексәләре конкурсы”ның дүртенсе миҙгелендә ҡатнашыу мөмкинлеге бар. Ҡатнашыу өсөн ғаризалар алыу дауам итә.

 
Конкурс 2026 йылдың  21 сентябрендә старт алды. Ул башланғыс бүлексәләр командаларына балалар һәм йәштәр инициативаларын  тормошҡа ашырыуға 200 меңдән 1 миллион һумға тиклем аҡсалата премия  алыу мөмкинлеген бирә.
 
Конкурстың башҡа бындай ярыштарҙан бер мөһим айырмаһы бар: идеяны тормошҡа ашырыу өсөн тотонолған аҡса өсөн ентекле отчет биреү талап ителмәй.
 
Конкурсҡа ғаризалар алыу 2026 йылдың 11 ноябренә тиклем барасаҡ. Ғаризалар йыйыу кампанияһы тамамланғас, конкурстың яңы этабы асыла. Ул 2027 йылдың 7 июненә тиклем дауам итәсәк.  Конкурс тураһында яҡшыраҡ белергә һәм ғариза бирергә теләһәгеҙ, бына һылтанма:
первичка.будьвдвижении.рф/.


Фото: Никита Ғафаров.
Тулыраҡ – бында:
https://amanat.su/news/novosti/2026-10-26/berensel-r-h-r-k-tene-bashlan-ys-b-leks-l-r-konkursy-e-e-sel-re-yl-y-4855503