Быелгы көз автомобиль йөртүчеләрен аптырашта калдырды: һава торышы…

Быелгы көз автомобиль йөртүчеләрен аптырашта калдырды:  һава торышы көндез – җылы, төннәрен, таң белән бозлавыклар булгалый. Автомобиль көпчәкләрен кышкыга алмаштырырга вакыт та кебек, иртәрәк тә сыман.

  Без, Базарлы Матактагы берничә шиномонтажда булып, андагы хәлләр белән кызыксындык.

  Айрат Низамов биш елдан бирле көпчәкләр алмаштыру буенча хезмәт күрсәтә. Аның әйтүенә караганда, халык әлеге максаттан акрынлап мөрәҗәгать итә башлаган инде. Бу ялларга инде көне буе эшләрлек язылып куйганнар.

  Бәяләренә килгәндә, Айрат, күрсәткән хезмәте өчен, язгы хакларны калдырган.